Полиция Кыш бабае «Гнездышко» социаль приютында булды

Яңа ел алдыннан Россия Эчке эшләр министрлыгының Яшел Үзән районы буенча бүлегенең полиция патруль-пост хезмәтенең аерым ротасы хезмәткәрләре ел саен уздырыла торган "Полиция Кыш бабае" акциясенә кушылды. Приютта тәрбияләнүчеләр әкияти кунак килүенә алдан ук әзерләнгәннәр – Яңа ел бәйрәме турында шигырьләр өйрәнгәннәр, ә Кыш бабай тырышлыклары өчен барлык балаларга татлы бүләкләр таратты. Полицейскийлар тәрбиячеләрне һәм балаларны якынлашып килүче Яңа ел белән котлады, аларга ныклы сәламәтлек, бәхет, шатлык, барлык теләкләрнең тормышка ашуын теләде.