Восстановление пароля

Шлагбаумлы тимер юл аркылы чыгу урынына якынлашуны кисәтә. Торак пункттан читтә 150 – 300 м алдан, торак пунктта 50 – 100 м алдан куела. Билге башка ераклыкта да куелырга мөмкин. Йөртүчеләр тимер юл аша бары тик тимер юл аркылы чыгу урыныннан гына үтәргә һәм поездга юл бирергә тиешләр. 1.1, 1.2 билгеләре торак пункттан читтә, һичшиксез, кабатланалар, һәм бу очракта икенче билге 50 м дан ким булмаган ераклыкта урнаштырыла.

Тыела:

а) тимер юл аркылы чыгу урынында һәм аңа җитәргә 100 м дан азрак ара калганда, куып узып китү;

б) тимер юлны аркылы чыгу урыннарында туктау һәм тукталып тору;

в) тимер юлны аркылы чыгу урыннарыннан 50 м дан азрак ераклыкта тукталып тору;

г)  кирегә борылу;

д) артка таба бару;

е) тимер юлны аркылы чыгу урыннарыннан авыл хуҗалыгы, юл эшләрен башкаручы һәм башка машиналарны йөк буларак алып чыгу;  

ж) юл дистанциясе җитәкчесе рөхсәтеннән башка, тизлеге сәгатенә 8 км дан артмаган акрын йөрешле машиналарның, шулай ук трактор чаналарының хәрәкәте;

з) ябык шлагбаум алдында торучы транспорт чарасының каршы як полосага чыгып урап узуы;

и) шлагбаумны үзлегеңнән ачу.