нәниләре юлда йөрү серләренә өйрәнә

Балалар бакчасында “Юлда йөрсәң, бул өлгер, юл кагыйдәсен яхшы бел“ исемле чара узды. Аның төп максаты нәниләрне урамда, юлларда, транспортта үз-үзеңне тоту кагыйдәләренә төшендерү, юл билгеләрен аера белергә өйрәтү. Балалар бәйрәмдә юл кагыйдәләренә багышланган шигырьләр, җырлар башкардылар, дидактик уеннар уйнадылар, биремнәрне дә бик теләп үтәделәр. Кичәдә юл хәрәкәте иминлеге дәүләт инспекторы катнашты. Ул нәниләргә юл иминлеге хакында киңәшләрен биреп, бүләкләр таратты.